စက်တင်ဘာလ ၃ ရက်နေ့ညပိုင်းက နေအိမ်များ မီးရှို့ခံခဲ့ရမှုကြောင့် ရခိုင်ပြည်နယ် ကျောက်တော်မြို့နယ် တောင်ပေါက် ဘုရားပေါင်းကျေးရွာနှင့် တောင်ပေါက်ကျေးရွာ မီးဘေးသင့်သူ များအတွက် ရခိုင်ပြည်နယ်လွှတ်တော် မှ အလှူငွေ ကျပ် ၁ဝသိန်း ကို စက်တင်ဘာလ ၆ ရက်နေ့က ပေးအပ်ထောက်ပံ့ခဲ့သည်။ ထောက်ပံ့ငွေများကို ရခိုင်ပြည်နယ်လွှတ်တော် ကိုယ်စား မြောက်ဦးမဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးထွန်းသာစိန်မှ တစ်ဆင့် ပြန်လည် ထူထောင်ရေး အဖွဲ့သို့ပေးအပ်ခဲ့သည်။ မီးရှို့ခံရမှုကြောင့် အဆိုပါကျေးရွာများရှိ နေအိမ် ၁၈၀ ကျော် ပျက်စီးခဲ့ကာ လူဦးရေ ၁၅၀၀ ကျော် အိုးမဲ့ အိမ်မဲ့ ဖြစ်ခဲ့ကြရပြီး လက်ရှိတွင် စားဝတ်နေရေး အတွက် အကူအညီများ လိုအပ်လျက် ရှိကြောင်း သတင်းရရှိသည်။
