ဥက္ကဋ္ဌသတင်းများ

ရခိုင်ပြည်နယ်လွှတ်တော်ဥက္ကဋ္ဌအား လက္ကာကျေးရွာမှ ဒေသခံများနှင့် လူမှုအဖွဲ့အစည်းမှ တာဝန်ရှိသူများလာရောက်တွေ့ဆုံ

ရခိုင်ပြည်နယ်နယ်လွှတ်တော်ဥက္ကဋ္ဌ ဦးစံကျော်လှအား မြောက်ဦးမြို့နယ် လက္ကာကျေးရွာမှ မသင်္ကာမှုဖြင့် ဖမ်းဆီးခေါ်ဆောင်သွားခြင်းခံခဲ့ရသူများ၏ မိသားစုဝင်များနှင့် လူမှုအဖွဲ့အစည်းတစ်ချို့မှ တာဝန်ရှိသူများသည် ဧပြီလ ၂၅ ရက် မနက်ပိုင်းက ရခိုင်ပြည်နယ်လွှတ်တော်ရုံး လာရောက်တွေ့ဆုံခဲ့သည်။ တွေ့ဆုံရာတွင် ရခိုင်ပြည်နယ်လွှတ်တော်ဒုတိယဥက္ကဋ္ဌ ဦးမြသန်း၊မြောက်ဦးမြို့နယ်မှ ပြည်သူလွှတ်တော် တော်ကိုယ်စားလှယ် ဦးဦးလှစော ၊မြောက်ဦးမြို့နယ်မဲဆန္ဒနယ်အမှတ်(၁)မှ ပြည်နယ်လွှတ်တော်ကိုယ်စားလှယ် ဦးထွန်းသာစိန်တို့တက်ရောက်ခဲ့ပြီး ဖမ်းဆီးခေါ်ဆောင်ခြင်းခံရသူများ၏ မိသားစုဝင်များက ဖမ်းဆီးခြင်း ခံရသူများနှင့် တွေ့ဆုံလိုသည့် ကိစ္စ၊အပြစ်မရှိသူများ ကိုပြန်လွှတ်ပေးမည့်ကိစ္စ၊ ဖမ်းဆီးခြင့်ခံထားရစဉ် အကြောင်း အမျိုးမျိုးကြောင့် သေဆုံးသွားသူများ၏ ရုပ်အလောင်းများအား မိသားစု ထံပြန်လည် အပ်နှံနိုင်ရေး ကိစ္စ၊ကျေးရွာတွင်းလက်ရှိဖြစ်ပွါးနေသောအခြေအနေများနှင့်ပတ်သတ်ပြီးရခိုင်ပြည်နယ် လွှတ်တော်အနေဖြင့် ကူညီဆောင်ရွက်ပေးနိုင်ရေး၊များကို တင်ပြအကူအညီတောင်းခံခဲ့ကြသည်။ လက္ကာကျေးရွာဒေသခံများ၏ အကူအညီတောင်းခံမှုအား ရခိုင်ပြည်နယ်လွှတ်တော်ဥက္ကဋ္ဌ ဦးစံကျော်လှမှ သက်ဆိုင်ရာများနှင့် ဆက်သွယ်ညှိနိုင်းဆောင်ရွက်ပေးခဲ့ပြီး အားပေးစကားပြောကြားခဲ့ကြောင်းသိရသည်။

Leave a Reply

Your email address will not be published.